Тіс щеткасы 12 мың долларға сатылды
АСТАНА. ҚазАқпарат - «Аполлон-13» ғарыш кемесі астронавттарының бірінің тіс щеткасы Лос-Анжелестегі бәссаудада 11794 долларға сатылды. Бұл туралы Nate D. Sanders бәссауда үйіне сілтеме жасап, Associated Press хабарлады.
Бәссауда барысында оның бағасы бастапқы сомасынан үш есеге артты. Oral B-40 тіс щеткасын командалық модульдің ұшқышы Джон Суайгерт пайдаланған. Оны кім сатып алғаны айтылмай отыр.
Суайгерт - Айға дейін ұшқан америкалық 24 астронавтардың бірі. Ол қатерлі ісіктен 1982 жылы көз жұмған.
Аполлон сериясынан «Аполлон-13» ұшқышты ғарыш кемесі Айға ұшқандардың ішінде күрделі апатқа ұшырағандардың жалғызы.
