«Титаник» жолаушыларының ұрпағы үшін, олардың ата-бабаларының қайғылы аяқталған сапарымен жүзіп өту жобасы туристік сенсацияға айналды

АСТАНА. Тамыздың 17-сі. ҚазАқпарат - Әлем тарихындағы ең ірі көлік апатына айналған - «Титаниктің» суға түбіне батып кеткеніне 100 жыл толуына орай ұйымдастырылған «Бэлморал» лайнерінің круиз жасау жобасы шын мәнінде туристік сенсацияға айналды. Жүз жыл өткен соң, 2012 жылы «Титаник» командасының және оның жолаушыларының туыстары мен үрім-бұтағы аталған жүзу бағытын қайталайды. Бұл жөнінде ИТАР-ТАСС хабарлайды.

Белфаста (Солтүстік Ирландия) құрастырылған, сол дәуірдің ең ірі жолаушылар таситын алып кемесі, суға батпайды деп есептелген «Титаник» 1912 жылғы сәуірдің 8-інде британия туымен ағылшынның Саутгемптон портынан Нью-Йоркке қарай бағыт алды. Бұл лайнердің алғашқы қатынауы болатын. Сәуірдің 14-інде кеме суға батып кетті. Апат салдарынан 1,5 мың адам мерт болса, тек 706 адам ғана аман қалды.

Тура 100 жыл өткенде, тағы да сәуірдің 8-інде «Бэлморал» кемесі Саутгемптоннан Нью-Йоркке қарай жүзіп шығады. Бұл сапар «Титаниктің» бағытын, оның жылдамдығын айнытпай қайталайтын болады. Ашық теңізде қайғылы апат орын алған жерге жеткен сағатта, кемеде аза тұту шаралары жүзеге асырылады.

Жобаны ұйымдастырушылардың айтуына қарағанда, «Бэлморалдегі» ас мәзірі де тура «Титаниктегідей» болады.