«Тілдер саябағы» жобасы: Алматылықтар шет тілдерін тегін үйрене алады
АЛМАТЫ. KAZINFORM – Алматы қаласында ашық аспан астындағы шет тілдерін тегін оқыту бойынша «Тілдер саябағы жобасының ашылу салтанаты өтті. Бұл жоба Алматы қаласы Жастар саясаты басқармасының қолдауымен және Волонтерлер фронт-офисінің ұйымдастырумен іске асырылып жатыр.
Жоба Алматының барлық аудандарын қамтиды және 8 ірі саябақтарда жүзеге асатын болады. Таза ауада 6 жастан 60 жасқа дейінгі барлық алматылықтар тіл үйрене алады. Сабақтар жаз мезгілінде аптасына 3 рет өткізіледі.
Жобаның ашылу салтанатына Алматы қаласы әкімінің орынбасары Азамат Қалдыбеков, Алматы қаласы Жастар саясаты басқарма басшысының міндетін атқарушы Азиз Кажденбек, Алматы қаласының мәслихат депутаттары, үкіметтік емес ұйым өкілдері, қоғамдық кеңес мүшелері және белсенді қала жастары қатысты.
- Жоба Алматының барлық аудандарын қамти отыра, таза ауада шет тілдерін үйренуге бірегей мүмкіндік береді. «Тілдер саябағы» жобасы 7 жылдан бері табысты жұмыс істеп келеді, бұл қала тұрғындарына шет тілдерін тегін үйренуге мүмкіндік береді. Сабақтар жаз мезгілінде аптасына 3 рет өткізіледі және 6 жастан 60 жасқа дейінгі барлық жастағы қатысушылар үшін ашық. Айта кетейін, Алматыда жылына жастарға арналған 1000-нан аса экологиялық, тегін курстар, мәдени және спорттық шаралар тұрақты түрде өтіп тұрады. Бұл жобалардың барлығы жастарды қаланың мәдени-қоғамдық өміріне тартып, олардың жеке дамуына ықпал етіп және бос уақытын тиімді өткізуге бағытталған, - деді Алматы қаласы Жастар саясаты басқарма басшысының міндетін атқарушы Азиз Кажденбек.
Бағдарлама шеңберінде тілді меңгеру деңгейін көрсететін курстарды аяқтағаннан кейін сертификаттар бере отырып, қазақ тілін қоса алғанда, 8 тіл бойынша курстар ұсынылады.
