ТМД елдерінің жастары арасында жобалар байқауы өтуде

30 жасқа дейінгі жастар арасындағы байқауға қатысуға үміткерлер өз жобаларын 10 маусымға дейін жолдауы керек. Толық ақпаратты сайысты ұйымдастырушы - Autodesk компаниясының https://autodesk.ru/shape-the-future сайтынан білуге болады.

«Сәулет/Құрылыс/Құрылыс инфрақұрылымдары нысандары», «Машина жасау және өнеркәсіптік өндіріс», «Дизайн/Графика/Анимация» аталымдары бойынша өтетін бұл байқау екі кезеңнен тұрады. Оның алғашқысында интернеттегі «халықтық дауыс беру» арқылы әрбір аталым бойынша ондаған жобалар таңдап алынады. Ал 18 маусым мен 1 шілде аралығындағы екінші кезеңде кәсіби сарапшылар алқасы олардың арасынан жеңімпаздарды анықтайтын болады.