ТМД елдерімен радиациялық мониторинг деректерімен алмасу туралы заңға қол қойылды
АСТАНА. KAZINFORM — Президент Қасым-Жомарт Тоқаев радиациялық жағдай бойынша деректер алмасу туралы келісімді ратификациялады, деп хабарлайды Ақорданың баспасөз қызметі.
— Мемлекет басшысы «ТМД-ға қатысушы мемлекеттердің радиациялық жағдай мониторингінің деректерімен алмасу кезіндегі өзара іс-қимылы туралы келісімді ратификациялау туралы» Қазақстан Республикасының Заңына қол қойды, — делінген хабарламада.
Заңның мәтіні баспасөзде жарияланады.
Осыдан бұрын Қазақстан мен Израиль Президенттері кеңейтілген құрамда келіссөз жүргізгенін жазған едік.
