ТМД-ға мүше елдер арасында өткен І Халықаралық фестивальде қазақстандықтар күміс жүлде алды

АЛМАТЫ. 29 сәуір. ҚазАқпарат - 21-27 сәуір күндері Ресейдің Пушкино қаласында мектеп спортынан ТМД-ға мүше-мемлекеттер арасында І Халықаралық фестиваль өтті.

Оған Қазақстаннан 1995 жылға дейінгі жасөспірімдер құрамасы қатысып, күміс жүлде еншіледі. Бұл сында балғын спортшыларымыз топтық кезеңде Мәскеу облысының және Молдова мен Беларус елдерінің құрамаларын 2:0 есебімен ұтып, тек Белгородтың «Ресей» командасына ғана есе жіберді. Одан кейін жартылай финалда Мәскеу облысының командасын екінші рет сүріндірген олар ақтық сында белгородтықтармен қайта кездесіп, бұл жолы да осал тұсын таба алмады. Ал қола жүлде Беларус құрамасына бұйырды.