Тоқаев қытайлық ірі ЖОО филиалының Қазақстанда ашылуына мүдделілік білдірді
СИАНЬ. ҚазАқпарат – Қазақстанда Қытайдың ірі жоғары оқу орындарының бірінің филиалын ашуға мүдделі екенімізді тағы да атап өткім келеді. Мемлекет басшысы Қасым-Жомарт Тоқаев бүгін Қытай Төрағасы Си Цзиньпинмен келссөз барысында осылай айтты, деп хабарлайды ҚазАқпарат Ақордаға сілтеме жасап.
«Елдеріміздің білім мен ғылым саласындағы ынтымақтастықты нығайтуға қызығушылығы артып келеді. ҚХР-да техникалық білім сапасы жоғары екенін ескере отырып, Қазақстанда Қытайдың ірі жоғары оқу орындарының бірінің филиалын ашуға мүдделі екенімізді тағы да атап өткім келеді», - деді Қ.Тоқаев.
Бұған дейін хабарлағанымыздай, Қазақстан мен Қытай басшылары бүгін келіссөз жүргізді. ҚР Президенті Қ.Тоқаев Қытайда мемлекеттік сапармен жүр.
