Тоқаш алмақ болған тұрғын ұтысқа ие болды
АСТАНА. 24 қыркүйек. ҚазАқпарат - АҚШ-тың Оңтүстік Каролина штатының тұрғыны лотереядан 400 млн. АҚШ доллары көлемінде ұтысқа ие болды, деп хабарлайды 24.kz сайтынан.
Көлемі бойынша АҚШ тарихында төртінші жеңіс саналатын бұл олжаға жеңімпаз кездейсоқ тап болған. Атын жариялаудан бас тартқан ол жанармай бекетіне тоқаш алмақ болып тоқтаған. Бақытына орай, тоқаш болмай қалған соң, ер адам 20 АҚШ долларына билет сатып алған. Жеңімпаз лотерея билетін өмірінде тек 2 мәрте ғана сатып алғанын айтты.
