Тоқтату кранын жұлып алған жолаушы Алматы-Нұр-Сұлтан пойызын шұғыл тоқтатты
НҰР-СҰЛТАН. ҚазАқпарат - Оқыс оқиға 27 қыркүйекте Жамбыл облысының Отар -Шу учаскесінде болды. Келеңсіз жағдай салдарынан пойыз маршруттан жеті минутқа кешігіп қалды, деп хабарлайды ҚазАқпарат ҚР ІІМ Көліктік полиция департаментінің баспасөз қызметіне сілтеме жасап.
Тексеру кезінде көлік полицейлері құқық бұзушыны ұстады. Ол 28 жастағы Қарағанды облысының тұрғыны болып шықты. Ер адамға қатысты Қазақстан Республикасының Әкімшілік кодексінің 560 бабына сәйкес әкімшілік хаттама жасалды. Бұл бап бойынша пойызды заңсыз тоқтатқаны үшін 5 АЕК (14 585 теңге) көлемінде айыппұл салынады.
