Тольяттиде 30 автомобиль соқтығысты

АСТАНА. ҚазАқпарат - Ауа райының қолайсыздығынан Тольяттидегі айналма жолда жексенбі күні 30 машина соқтығысқан аса ірі жол апаты орын алды.

Бұл туралы Самара облысы бойынша ІІМ МБ сайтында хабарланды.

«Қазіргі уақытта ішкі істер органдарының қызметкерлері болған оқиғаның себеп-салдарын, көліктердің қақтығысуынан зардап шеккендердің бар-жоғын тексеруде»,-делінген хабарламада.

Ведомствоның мәліметтеріне қарағанда, жол-көлік апаты кеше таңертеңгілік қолайсыз ауа райының салдарынан болған.