Толассыз жауын Ресейді жайпап жатыр

АСТАНА. ҚазАқпарат - Сібірдің оңтүстігінде соңғы жарты ғасырда болған тасқынның салдарын жою жұмысы жалғасуда. Толассыз жауған жауын-шашын бірден Ресейдің 4 өлкесін басып қалды, деп хабарлайды КТК арнасы.

Табиғат апатынан 2 адам мерт болып, тағы төртеуі із-түссіз жоғалып кеткен. 20 мың адам қауіпсіз аймаққа көшіріліп, шығын көлемі есептелуде. Құйып жауған жаңбыр Сібір, Алтай Республикасы, Тыва мен Хакасияның құтын қашырған. Жауын-шашын салдарынан тау өзендері тасып, жақын маңдағы желдердің барлығын шайып кетті. Төтенше жағдай мамандары апатты аймақта құтқару жұмыстарын жүргізіп, гумманитарлық көмек тасымалдауда. Ал су деңгейі түскен соң, тұрғындар өз баспанасына оралуда. Бірақ 8 мыңға жуық нысанды әлі де су басып жатыр.