Төлқұжаты шимайланған қытайлық Оңтүстік Кореядан кете алмай қалды - ВИДЕО

АСТАНА. ҚазАқпарат - Қытайлық отбасының белгілі бір уақытқа дейін Оңтүстік Кореяда қалуына тура келді. Себебі баласы әкесінің паспортын танымастай етіп шимайлап тастаған, деп хабарлады Metro.co.uk.

Оңтүстік Кореяға барған кезде баласы әкесінің паспортын алып, оны сурет салатын альбом ретінде қолданған. Ол әкесінің суреті бар беттен бастап, адамдардың, жануарлар мен басқа да суреттерді салыпты.

Баланың тым әуестеніп кеткені соншалық, ол суреттің үстіне қара фломастер көмегімен аздаған шаш қосқан.

Бұл жердегі басты мәселе - суреттегі әкесінің танымастай болып өзгеруі. Әуежай қызметкерлері оның Қытайға аталған суретпен қайта алмайтынын ескертіп, елден кетуіне тыйым салды.