Томскіде 78 жастағы зейнеткер жоғары оқу орнына түсу үшін емтиханға дайындалып жатыр
АСТАНА. ҚазАқпарат - Томскіде тұратын 78 жастағы зейнеткер Аркадий Эрский жергілікті оқу орнына түсу үшін емтиханға дайындалып жатыр. Ол ұзақ жылдар бойы Томскіде шығатын басылымдарда жұмыс істеді.
Енді кәсіби журналист дипломын алмақ ниетте. Дегенмен жасының ұлғайғандығына байланысты зейнеткерге ешқандай жеңілдік болмайды, оған өзге талапкерлермен тең жағдайда емтихан тапсыруға тура келеді, деп хабарлайды life.ru.
