Тони Брекстонның Алматыдағы концерті болмайды
АЛМАТЫ. 10 желтоқсан. ҚазАқпарат - Американдық соулдың жұлдызы Тони Брекстон Алматыға денсаулық жағдайына байланысты келмейтін болды.
Бұрын хабарланғандай, әлемдік танымал жұлдыздың 15 желтоқсанға жоспарланған концерті «Алматыдағы мәдениет жылы» акциясын аяқтауы тиіс еді.
Т.Брекстонның концерттік турын ұйымдастырушыларының айтуынша, оның өнер көрсетуі Мәскеу, Доха және Баку сияқты тағы бірқатар басқа қалаларда да өткізілмейді.
Сондай-ақ әншінің оның өнерін бағалаушыларға бейнеүндеу дайындағаны хабарланды.
