Торонто әуежайында екі ұшақ соқтығысып қалды
АСТАНА. ҚазАқпарат - Канадада Торонто қаласындағы Лестер Пирсон атындағы ірі әуежайда жұма күні екі ұшақ соқтығысып қалды, деп хабарлайды ТАСС.
Абырой болғанда, оқыс оқиғадан ешкім зардап шеккен жоқ. WestJet әуекомпаниясы өзінің Twitter-інде мексикалық Канкуннан келген Boeing 737-800 ұшағы тұрақтан енді қозғала бастаған Sunwing әуекомпаниясының ұшағына соғылғандығын жазды. WestJet лайнерінің бортында 168 адам болған. Олардың бәрі эвакуацияланды. Ал Sunwing ұшағында жолаушылар болмаған.
