Торонто қаласының мэріне жол ережесін бұзғаны үшін айыппұл салынды
АСТАНА. ҚазАқпарат - Торонто қаласының мэрі Роб Фордқа Ванкувердің шет аймағындағы жолды белгіленбеген жерден кесіп өткені үшін айыппұл салынды, деп хабарлайды lenta.ru.
Оқиға жұма күні болған. Форд отбасымен бірге Ванкуверге досының анасын жерлеу рәсіміне келген. Оның пікірінше, айыппұл салған полицейлер Фордтың британдық Колумбия халқы жанкүйер болып табылатын «Сиэттл Си Хоукс» америкалық футбол командасына емес, «Дэнвер Бронкос» командасына жанкүйер болатындығы үшін осындай әрекетке барған. Бұл командалар бүгін, яғни 2 ақпанда ұлттық футбол лигасының финалында кездеседі.
Айыппұл мөлшері 109 канадалық долларды (шамамен 98 АҚШ доллары) құраған. Ал полицейлердің нақты пікірі туралы ештеңе айтылмайды.
