Төрт сотталушы түрмеден қашып кетті
АСТАНА. 28 қазан. ҚазАқпарат - АҚШ-тың Каддо (Оклахома) округіндегі түрмеде мерзімін өтеп жүрген 4 сотталушы жуынатын бөлмедегі люк арқылы қашып кеткен, деп хабарлады NBC.
Түрмедегілердің қашып кеткендігі жергілікті тұрғындардың сарғылт жұмыс киім киген бірнеше адамдарды көргендерін айтқаннан кейін ғана белгілі болған. Іле-шала арнайы тексеру жұмыстары жүргізіліп, төрт адамның жоқ екендігі анықталған. Алдын ала жүргізілген тергеу мәліметтеріне сәйкес қылмыскерлердің жуынатын бөлменің төбесіндегі люк арқылы шығып кеткендері анықталды. Қазіргі уақытта оқиғаның мән-жайы анықталуда.
