Төртінші күн: Сиань-Алматы велошеруіне қатысушылар Ганьсу провинциясына келді
ГАНЬСУ. ҚазАқпарат - Төртінші күні «Сиань-Алматы» велошеруіне қатысушылар Куньмин тау асуларынан өтіп, Шэньси провинциясының шекарасынан өтіп, Ганьсу провинциясына келді, деп хабарлайды ҚазАқпарат.
Бір күн бұрын велошабандоздар Ұлы Жібек жолындағы көне қалалардың бірі және әлемдегі титан өнеркәсібін дамытудың заманауи орталығы саналатын көне Баодзи қаласын басып өтті. Қытайдың өз «Титан алқабы» бар, онда 900-ден астам кәсіпорын жұмыс істейді.
Сондай-ақ, Баодзиде әлемдегі ең үлкен қола мұражайы бар, оны біздің велошабандоздар таңертең тамашалады. Таңертеңгілік салқынмен спортшылар мұражайды аралап болған соң, Ганьсу провинциясы орналасқан Куньмин тау асуларын бағындыруға аттанды.
Бұл таулы аймақта қытайлық жол құрылысшылары жүздеген туннель қазған, ал ең ұзыны - 32 шақырым. Осы тау асуларын туннельдердің ең күрделі желілерімен кесіп өтіп, Қытай табиғи тау ландшафтын, сондай-ақ осы жерлердің флорасы мен фаунасын сақтап қалды. Әдемі тау пейзажы, тарихи ескерткіштер мен ежелгі Жібек жолының жәдігерлері достық пен бейбітшілік велошеруіне қатысушыларымызды аз уақыттың ішінде таңғалдырды. Олардың алдында әлі 3000 шақырымнан астам жол бар, оның бір бөлігі Ганьсу өлкесінің сазды далалары мен аңғарлары, Шыңжаңның құрғақ және жансыз шөлдері арқылы өтеді.
«Сиань-Алматы» достық пен бейбітшілік тарихи велошеруіне қатысушыларға күш-қуат, денсаулық және төзімділік тілей отырып, оларды Қазақстанда күтеміз.
