Toyota АҚШ-та тағы да 1,5 млн автомобильді кері қайтарады
Кері қайтарылатын 9 модельдің ішінде 2006-2011 жылдары шыққан Corolla, Yaris, Sienna да бар.
«Машиналарда алдыңғы жолаушы отыратын жердегі қауіпсіздік қапшығының жарылғышы ауыстырылады», - делінген автоконцерн жария еткен мәлімдемеде.
Қазіргі уақытта Takata қауіпсіздік қапшығын ауыстыру үшін Toyota АҚШ-та кері қайтарылған көліктердің саны 4,7 млн-нан асып кетті.
Еске сала кетсек, Жапонияның Takata компаниясы 2014 жылы даудың ортасында қалды. АҚШ-та көлік саласының мамандары оның өндірген қауіпсіздік қапшығы кенеттен жарылып кетуін, болмаса түрлі темірлерді көлік салондағыларына «атып» жарақаттауын анықтаған. Осы технологиялық кемшілік салдарынан 11 адам қаза тапқан, оның 10-ы америкалық. Осыған байланысты кері шақырылған көліктер саны әлемде 100 млн-нан асып кетті, деп хабарлайды tass.ru сайты.