Toyota әлемдік автомобиль нарығында көшбасшы атанды
АСТАНА. 30 қазан. ҚазАқпарат - Toyota Motor Corp. әлемдегі ең ірі автомобиль өндіруші атағын қайтарып алды, деп хабарлайды РБК. Жапондық корпорация General Motors-ты екінші орынға ығыстырды.
Toyota-ның 2012 жылдың III тоқсанындағы әлем бойынша сатылымдары 18%-ға өскен, бұған АҚШ-тағы седан Camry мен гибрид Prius-қа деген сұраныстың артуы себеп болды.
Өткен тоқсанда Toyota 2,43 млн жеңіл және жүк көліктерін сатқан. Өткен жылдың осындай кезеңінде бүкіл әлемде концерннің 2,06 млн көлігі сатылған еді. Жыл басынан бері Toyota Motor Corp. сатылымы 28%-ға, яғни 7,4 млн автомобильге дейін өскен.
General Motors 2012 жылдың III тоқсанында 2,28 млн автокөлік сатқан екен.
