Трамп Ақ үйде криптовалюта жөніндегі жаңа лауазым енгізуі мүмкін
АСТАНА. KAZINFORM – Жаңадан сайланған президент Дональд Трамптың командасы цифрлық активтер индустриясының өкілдерімен Ақ үйде тек криптовалюталық саясатқа арналған жаңа позиция құру туралы келіссөздер жүргізуде, деп хабарлайды US News басылымы.
Процесспен таныс дереккөздің мәліметінше, Трамптың командасы бұл лауазымға үміткерлерді қарастырып жатыр.
Дональд Трамп президенттік сайлау қарсаңында биткоин мен крипто индустриясын белсенді түрде қолдады. Ол криптовалюталарға күмәнді көзқарастарымен танымал Бағалы қағаздар және биржалар жөніндегі комиссияның төрағасы Гари Генслерді қызметіне кіріскеннің «бірінші күні» қызметінен босатуға уәде берді.
Сәрсенбіде биткоин $100 000 белгісіне жақындап, жаңа рекорд жасады, криптовалюта секторының болжамы осы айдың басында Дональд Трамптың президенттік сайлаудағы жеңісінен кейін жақсара түсті.
