Трамп АҚШ хуситтерге шабуылды тоқтататынын мәлімдеді

АСТАНА. KAZINFORM — АҚШ президенті Дональд Трамп Йемен хуситтері кеме қатынасына кедергі келтірмеуге уәде бергендіктен, АҚШ соққыларды дереу тоқтататынын мәлімдеді, деп хабарлайды BBC.

Бұл туралы Ақ үй басшысы Канада премьер-министрі Марк Карнимен Ақ үйде кездесуі кезінде айтты.

— Олар жай ғана соғысқысы келмейді, және біз мұны бағалаймыз. Біз бомбалауды тоқтатамыз, олар берілді, бірақ одан да маңыздысы, біз олардың сөзіне сенеміз. Олар енді кемелерді жармайтынын айтты, біздің мақсатымыз да осы болды, — деді Трамп.

Хуситтер әзірге Трамптың мәлімдемесіне қатысты пікір білдірмеді.

Сейсенбіде Израиль Йемендегі хуситтердің позицияларына тағы соққы жасағанын мәлімдеді, соның ішінде ел астанасы Санадағы халықаралық әуежай да нысанаға алынды.

Израиль билігі әуежайдың істен шығарылғанын мәлімдеді. Әуежайдың өкілі AFP-ге әуежайдың «толығымен қиратылғанын» айтты.

Бұған дейін, 5 мамырда Йемендегі хусит көтерілісшілері АҚШ-ты Сана қаласы мен оның маңайына шамамен 10 соққы жасады деп айыптаған болатын.