Трамп АҚШ-тың Кубаға қатысты саясатын қайта қарамақшы
АСТАНА. ҚазАқпарат - Дональд Трамп әкімшілігі АҚШ-тың Кубаға қатысты саясатын қайта қарайтын болды. Бұл туралы Ақ үй баспасөз хатшысы Шон Спайсер мәлім етті, деп хабарлайды Хабар 24 телеарнасы.
Оның айтуынша, президент Трамп үшін әлемде адам құқығын қорғау мәселесі маңызды болып саналады. «Сондықтан жаңа әкімшілік Кубамен қарым-қатынас жасау барысында бұл мәселе алдыңғы қатарға шығады», - дейді ол.
Естеріңізге сала кетейік Құрама Шттардың бұрынғы президенті Барак Обама 2014 жылдан бастап аралда мемлекетпен қатынасты жақсартуды қолға алған. 2015 жылы Вашингтон мен Гавана елшілігін ашады.
Сондай-ақ бірқатар шектеу алынып, америкалық кәсіпкерлерге бизнеспен айналысуға, рұқсат етіледі. Бірақ Кубаға салынған эмбарго толық алынбаған болатын. Оны тек Конгресс алып тастай алады.
