Трамп Мексика мен Канаданың автоөндірушілеріне баж салығын тоқтатты

АСТАНА.KAZINFORM - АҚШ президенті Дональд Трамп жетекші сала өкілдерімен келіссөздер жүргізген Мексика мен Канаданың автокөлік өндірушілеріне тарифтер бойынша бір айлық мерзім берді, деп хабарлайды Euronews.

Бұл жаңалықтан кейін автоөндірушілердің акциялары көтерілді.

– Біз автоөндірушілердің «үлкен үштігімен» сөйлестік. Біз USMCA арқылы тасымалданатын кез келген көліктерге бір айлық тарифтен бас тартуды қамтамасыз етеміз, - деді Ақ үйдің баспасөз хатшысы Каролин Левитт сәрсенбіде. – Өзара тарифтер 2 сәуірде күшіне енеді, бірақ USMCA-ға қатысы бар компаниялардың өтініші бойынша президент оларды экономикалық қиыншылыққа ұшыратпау үшін бір айға ұзартады.

Бір күн бұрын, сейсенбіде Мексика мен Канададан келетін барлық импортқа 25% тариф, сондай-ақ Қытай импортына қосымша 10%-дық тариф күшіне енді.

Трамп сонымен қатар өткен айда 2 сәуірден бастап автомобиль, фармацевтика және жартылай өткізгіштер импортына 25% баж салығын енгізетінін мәлімдеді. Ол сондай-ақ 1 сәуірде күшіне енетін тарифтерді енгізуге бағытталған сауда қатынасын тексеру туралы бұйрыққа қол қойды.

2020 жылдың шілдесінде NAFTA-ны ауыстырған Америка Құрама Штаттары-Мексика-Канада Келісіміне (USMCA) сәйкес, үш ел арасындағы саудаға нөлдік тарифтерге сай болу үшін көлік бөлшектерінің 75%-ы Солтүстік Америкада жасалуы керек.

Келісім 2026 жылдың шілдесіне дейін қайта қаралуы тиіс. Сәрсенбіде Ақ үй шенеуніктері Стеллантис, Форд және General Motors жетекшілерімен кездесті, деді Левитт.

Трамп ұсынысы автокөлік өндірушілерге өндірісті АҚШ-қа қайтаруға уақыт береді.

Трамп Канаданың қарсы тарифтеріне жауап берді.

Трамп ХАМАС-тан Газадағы израильдік тұтқындардың барлығын босатуды талап еткенін жазған болатынбыз.