АҚШ-та Трампты қолдайтындардың көрсеткіші күрт азайып кетті

АСТАНА. KAZINFORM – Америкалықтар оның елдегі өмір сүру құнына әсер ететін шешімдеріне наразы болғандықтан, Трамптың АҚШ-тағы танымалдығы рекордтық деңгейге дейін төмендеді, деп хабарлайды DW ақпарат агенттігі.

Reuters және Ipsos зерттеу компаниясының жаңа сауалнамасына сәйкес, америкалықтардың тек 40%-ы қазіргі президенттің жұмысын мақұлдайды – бұл алдыңғы аптамен салыстырғанда 2 пайыз төмен. Трамптың жұмысын қатты жақтырмайтын америкалықтардың үлесі 57%-ға дейін өсті.

Сауалнама қорытындыларына сәйкес, америкалықтардың Трампқа қатысты негізгі шағымы – оның азаматтар шығындарының өсіп жатқан деңгейіне қарсы күрес саласындағы іс-әрекеттері, сұралғандардың 63%-ы осыған наразылық білдірді.

Reuters атап өткендей, АҚШ-та инфляция қарқыны Трамп қызметке кіріскеннен бері еңбек нарығының әлсіреуіне қарамастан өсті, бұл орталық банкті пайыздық мөлшерлемелерді төмендетуге мәжбүр етті.

Салыстыру үшін, танымалдық рейтингінде Трамп алдында президент болған Джо Байденнің ең төмен рейтинг көрсеткіші 36% болды. Оның жұмысын мақұлдағандардың мұндай саны 2024 жылдың мамыр айында тіркелген.

Бұған дейін жүргізілген сауалнамаға сәйкес Трамптың рейтингі төмен екенін жазған болатынбыз.