Трамптың Ресейге қатысты шешімінен кейін мұнай бағасы құлдырады
АЛМАТЫ. KAZINFORM — 19 қазан таңертең әлемдік мұнай бағасы төмендеді.
Сауда мәліметтеріне сәйкес, Brent маркалы мұнай 1,99 долларға немесе 1,81%-ға арзандап, барреліне 107,87 доллар болды.
WTI маркалы мұнайдың бағасы 0,76 долларға немесе 0,75%-ға төмендеп, барреліне 100,65 долларға жетті.
Ресейлік Urals маркалы мұнайдың бағасы 0,59 долларға немесе 0,51%-ға төмендеп, барреліне 114,30 долларға дейін түсті.
Brent, WTI және ресейлік Urals маркалы мұнай бағасының төмендеуіне АҚШ президенті Дональд Трамптың Ресейге қарсы санкцияларды жеңілдету туралы шешімі әсер етті. Бұл әлемдік нарыққа жанармай жеткізілімінің артуына әкелуі мүмкін.
Сонымен қатар мұнай жеткізіліміне қатысты тәуекелдер сақталып отыр. Бұған дейін Ормуз бұғазында 2 миллион баррельден астам мұнай тасымалдаған аса ірі мұнай танкері минаға түйіскен еді.
