Трамптың салық заңы бюджет тапшылығын 3,4 трлн долларға арттырады

АСТАНА. KAZINFORM – Конгрестің бюджет басқармасының хабарлауынша, президент Дональд Трамптың салық және шығын туралы заңы 2034 жылға қарай федералдық бюджет тапшылығын 3,4 трлн долларға арттырады, деп хабарлайды FOX4. 

Республикашылдар мәлімдегендей, Трамп 4 шілдеде қол қойған заң жобасы АҚШ-та жасалған жаңа көліктер үшін шайпұл, үстеме жұмыс ақысы және автонесие бойынша пайыздар үшін салық шегерімдерін қамтамасыз ету арқылы барлық АҚШ азаматы үшін салықты азайтады. Алайда AP-NORC сауалнамасы америкалық ересектердің шамамен үштен екісі жаңа салық заңы байларға көмектеседі деп күтетінін көрсетті.

Атап өтілгендей, заң жобасы Medicaid (медициналық сақтандыру бойынша мемлекеттік бағдарлама) және азық-түлік көмегіне болашақ шығындарды қысқартады және кейбір таза энергия салық жеңілдіктерін жоюды тездетеді.

Конгрестің бюджеттік басқармасы атап өткендей, 1 трлн доллардан астам тапшылықты үнемдеу заң жобасының денсаулық сақтау бөлімдері есебінен алынады, олар кейбір Medicaid-тың кейбір бенефициарлары үшін жұмысқа орналастырудың жаңа талаптарын қамтиды, ал 2034 жылға қарай 10 млн-нан астам адамды медициналық сақтандырусыз қалады. 

Бұған дейін АҚШ-тың мемлекеттік қарызы 37 трлн доллардан асқанын жазған болатынбыз.