Трамптың инаугурациясында «Минута славы» бағдарламасының қатысушысы ән айтады
АСТАНА. ҚазАқпарат - Классикалық кроссовер жанрында ән шырқайтын 16 жастағы Джеки Иванко АҚШ-тың жаңадан сайланған президенті Дональд Трамптың 20 қаңтарда өтетін инаугурациясында Америка әнұранын шырқауға келісім берді.
Бұл туралы әнші NBC телеарнасының Today Show бағдарламасында айтқан.
«Мен өте қуаныштымын. Бұл керемет болады», - деді Джеки. Жас әнші бұның алдында іс-шараларда АҚШ Президенті Барак Обама үшін екі рет ән айтқан еді. Сондай-ақ, ол Трамп қатысқан қайырымдылық шарада өнер көрсеткен, деп хабарлайды Лента.ру. 2012 жылы Джеки (толық есімі Жаклин Мари) Санкт-Петербордың Сарай алаңында симфониялық оркестрдің сүйемелдеуімен Дмитрий Хворостовскиймен және Суми Йомен ән айтқан болатын.
