Тректегі велоспорттан Қазақстан құрамасының аға жаттықтырушысы В. Карчин жол апатында қаза болды
АСТАНА. 12 маусым. ҚазАқпарат - Тректегі велоспорттан Қазақстан құрамасының аға жаттықтырушысы, 37 жастағы Валерий Карчин Қапшағай маңында орын алған жол апатында мерт болды.
Бұл туралы Алматы облыстық ІІД баспасөз қызметіне сілтеме жасап, Vesti.kz сайты жазды.
Хабарланғандай, Nissan Pulsar көлігінің жүргізушісі басқару тетігіне ие бола алмай, темір тұлпар аударылып, жана бастаған. В. Карчинмен бірге тағы екі ер адам - Евгений Цой мен Алексей Сержантов ажал құшты.
Көлікте болған Евгений Пучнев түрлі жарақаттармен Қапшағай қалалық ауруханасына жеткізілді. ІІД көліктің тізгінінде отырған адамды анықтай алмады.
