Тректегі велоспорттан Қазақстан спартакиадасының алғашқы жеңімпаздары анықталды
НҰР-СҰЛТАН. ҚазАқпарат - Нұр-Сұлтанда тректегі велоспорттан Қазақстан Спартакиадасы басталды. Жарыстың алғашқы күнінде командалық спринттен жеңімпаздар анықталды, деп хабарлайды Olympic.kz.
Ерлер арасында алтын жүлдені Қарағанды облысының командасы иеленді.
Екінші және үшінші орында Нұр-Сұлтан мен Ақмола облысы орналасқан.
Әйелдер арасында Алматы облысы топ жарды. Күміс жүлдені Нұр-Сұлтан командасы, қоланы Қарағанды облысы жеңіп алды.
