Ту-142 ұшағының ірі сынықтары табылды
АСТАНА. Қарашаның 10-ы. ҚазАқпарат - Тынық мұхит флотының кемелері Хабаров өлкесінің жағалауында Татар бұғазында өткен жұма күні апатқа ұшыраған Ту-142 әскери ұшағының ірі сынықтарын тапты.
Төтенше жағдайлар министрлігінің ақпараты бойынша, су астынан фюзеляждың 6 үлкен сынығы көтерілген, деп хабарлайды «Азаттық» радиосы.
Бұған дейін оқиға орнында экипаж мүшелерінің денелері табылған болатын. Олар сот-медициналық сараптамасына жөнелтіледі.
Жаттығу кезінде апатқа ұшыраған әскери ұшақтың бортында экипаждың 11 мүшесі болған. Алдын ала мәліметтер бойынша, апатқа техникалық ақау себеп болған.
