Тұман, көктайғақ: 18 қарашаға арналған ауа райы болжамы
Бүгін, 18 қарашада атмосфералық фронттардың өтуіне байланысты еліміздің басым бөлігінде ауа райы құбылмалы болады, деп хабарлайды Kazinform.
Қазгидромет синоптиктерінің болжамы бойынша, көп өңірде жауын-шашын (жаңбыр, қар), көктайғақ болады, солтүстікте боран соғады.
Тек оңтүстік-шығыста aнтициклон әсерінен ауа райы жауын-шашынсыз болады.
Еліміз бойынша тұман түсіп, жел күшейеді.
Күндіз Жамбыл облысының оңтүстік-батысында күші 30 м/с жел тұрады.
