Тұман, көктайғақ, күшті жел – Сенбіге арналған ауа райы
НҰР-СҰЛТАН. ҚазАқпарат – Сенбі Қазақстанның басым бөлігінде қар жауады, жел күшейеді, деп хабарлайды ҚазАқпарат Қазгидрометке сілтеме жасап.
26 желтоқсанда Қазақстанның басым бөлігіне фронталды ағындарың әсерінен кей жерлерде көбінесе қар жауады. Еліміздің оңтүстігінде жел күшейіп, көктайғақ болады. Кей жерлерінде тұман түсуі ықтимал. Тек республиканың батыс және оңтүстік-шығыс аймақтарында күн райы ашық болады.
Түркістан облысының кей жерлерінде тұман түседі, көктайғақ болады, жел күшейеді.
Ақмола, Алматы, Атырау, Батыс Қазақстан, Ақтөбе, Қостанай, Солтүстік Қазақстан, Павлодар, Қарағанды, Шығыс Қазақстан облыстарының кей жерлерінде тұман түсуі мүмкін.
Жамбыл облысының кей жерлерінде тұман түседі, көктайғақ болады.
Түнде Алматы, Маңғыстау облыстарының кей жерлерінде қатты аяз болады.
