Тұман, жел: Синоптиктер 4 өңірде ескерту жариялады
НҰР-СҰЛТАН. ҚазАқпарат – «Қазгидромет» РМК ауа райының бұзылуына байланысты бірнеше өңірде ескерту жариялады, деп хабарлайды ҚазАқпарат.
Атап айтқанда, 15-16 желтоқсанда Солтүстік Қазақстан облысының кей жерлерінде тұман күтіледі. 15-і күні – тәулік бойы, 16 желтоқсанда – күндіз батыстан, оңтүстік-батыстан жел соғады. Кей жерлерде оның күші 15-20 м/с артады.
15 желтоқсанда Ақмола облысында кей жерлерде тұман болжанады. Батыстан жел соғып, күндіз оның күші 15-20 м/с жетеді.
Сондай-ақ 15 желтоқсанда Батыс Қазақстан және Ақтөбе облыстарының кей жерлерінде тұман болады.
