Тунис астанасында екі пойыз соқтығысты
АСТАНА. ҚазАқпарат - Тунис астанасында екі жолаушылар пойызы соқтығысып, 49 адам зардап шекті, деп хабарлайды Ahram Online. Оқыс оқиға 14 шілдеде Дубосвиль стансасында орын алды.
Жарақаттанғандардың барлығы ауруханаға жеткізілді.
Олардың біреуінің жағдайы ауыр. Оқиға орнында іздеу-құтқару бригадасы жұмыс істеуде. Апаттың себеп-салдары анықталып жатыр.
