Тунис: мұражайға жасалған шабуылдан қаза болғандар саны 8-ге жетті
АСТАНА. ҚазАқпарат - Тунистің Ішкі істер министрі парламент ғимараты жанындағы Бардо мұражайы ғимаратына содырлардың шабуыл жасауы салдарынан кем дегенде сегіз адам ажал құшқанын хабарлады.
Ресми ақпаратқа сүйенсек, қаза тапқандардың ішінде жергілікті тұрғын біреу ғана, қалғандары - туристер.
Сондай-ақ, Тунис билігі кепілге алу фактісін растады. Жергілікті телеарналар қарулы адамдар көлікпен парламент ғимаратына басып кіріп, оқ жаудырған, деп жазады ria.ru.
Қазір парламент ғимараты орналасқан аумақ қоршауға алынды.
