«Тур де Франс» көпкүндігінің 17-нші кезеңі: «Астаналық» Контадор көшбасшылық сары жейдені сақтап қалды
АСТАНА. Шілденің 23-і. ҚазАқпарат - Saxo Bank командасының мүшесі люксембургтық Фрэнк Шлек «Тур де Франс» көпкүндігінің 17-нші кезеңінің жеңімпазы атанды.
Велошабандоздар кеше Бурж-Сен Мористен Ле Гран-Борнан қаласына дейінгі 170 шақырымды бағындырды, деп хабарлайды ҚазАқпарат Eurosport сайтына сілтеме жасап.
Екінші болып сөре сызығын Astana командасының өкілі Альберто Контадор (Испания) кесті. Ал үштікті Фрэнк Шлектің інісі және командадағы серіктесі -Энди Шлек түйіндеді.
Бас жіктелімде көш бастап тұрған Альберто Контадор (Astana) сары жейдені сақтап қалды. Ал ағайынды Энди және Фрэнк Шлектер бұл жіктелімде екінші және үшінші орындарға табан тіреді.
