19:50, 31 Наурыз 2017 | GMT +6
Тұрғын үй жинақ банкінен депозит ашу жеңілдеді
АСТАНА. ҚазАқпарат - Қазақстанның Тұрғын үй құрылыс жинақ банкі енді депозит ашарда тұтынушыдан комиссияның құнын сұрамайды. Бұл туралы банктің баспасөз қызметінен хабарлады.
«Банктің құрметті клиенттері! Комиссия төлемей, депозит ашыңыздар! 2017 жылдың 3 сәуірінен бастап тұрғын үй құрылыс жинақтары туралы және келісімшарттағы ақшаны көбейту туралы келісім жасалғанда, комиссия мүлде алынбайды. Бүгін «Тұрғын үй құрылыс жинақ банкі» АҚ Директорлар кеңесінің отырысында осындай шешім қабылданды»,-деп хабарлады банктің баспасөз қызметі.
Айта кетейік, бұрын банктен депозит ашарда келісімшарттың 0,55 пайызы көлемінде комиссия алынатын.