Түрікменстан президенті шенеуніктерге компьютер меңгеруді міндеттеді
АСТАНА. 11 қаңтар. ҚазАқпарат - Түрікменстанның президенті Құрбанқұлы Бердымұхамедов басшылық қызметтегі барлық шенеуніктер компьютермен жұмыс істеуді үйренуге міндетті екендігін мәлімдеді,
деп хабарлайды ИТАР-ТАСС.
"Талап, әрине, қатаң, алайда онсыз бүгінгі күні экономиканы басқару, елдің жан-жақты дамуында жоғары нәтижелерге қол жеткізу оңай емес», - деді Қ.Бердымұхамедов.
Қ. Бердымұхамедов мұндай мәлімдемені 10 қаңтар, дүйсенбі күні үкіметтің мәжілісінде жасады. Ол сондай-ақ, мемлекеттік қызметкерлер орындарын сақтап қалуы үшін компьютер үйрететін ақылы курстар ашу керектігін және оны таяу уақытта ұйымдастыруды ұсынды.
