Түрікменстанның президенті қамаудағы мыңнан астам адамға рақымшылық жасады
АСТАНА. Қыркүйектің 11-і. ҚазАқпарат - Түрікменстанда 1284 адам қамаудан мерзімінен бұрын босатылатын болады. Тиісті жарлыққа республика президенті Құрбанқұлы Бердімұхамедов қол қойған,
деп хабарлайды ҚазАқпарат Лента.ру сайтына сілтеме жасап.
Рақымшылық мұсылмандар үшін қасиетті түн - алдағы Қадыр түнінің құрметіне орай жасалған.
Қадыр түніне байланысты қамаудан босату үрдісін Түрікменстанның бұрынғы президенті Сапармұрат Ниязов көзі тірісінде өмірге енгізген болатын. 2008 жылдың күзінде қасиетті түннің құрметіне орай мың жарымнан астам адам босатылды.
