Туристер 230 ақ аюдың «тойын» көрді

  АСТАНА. ҚазАқпарат - Солтүстік теңіз жолымен саяхаттап жүрген туристер 230 ақ аюдың тобын көру мүмкіндігіне ие болды, деп хабарлайды Чукотканың «Врангеля аралы» қорығы.

Жыртқыштар жағаға шығып қалған киттің жемтігіне бола жиналған.
 

«Бұл жерде ұрғашы да, аталық та аюлар, сондай-ақ түрлі жастағы қонжықтар да болды. Төрт қонжығы бар екі ұрғашы аюды кездестірдік», - делінген қорықтың баспасөз қызметінің хабарламасында.
 

 

Осы ерекше оқиға туралы дерек аталған аралда жұмыс істеген ақ аюлар популяциясына бақылау жүргізетін халықаралық ғылыми топқа хабарланды.