Түркі әлемінің жастар астанасы мәртебесі Алматыға табысталды
АСТАНА. KAZINFORM — Әзербайжанда Түркі мемлекеттері ұйымының (ТМҰ) Жастар және спорт министрлерінің жетінші отырысы өтті. Бұл туралы Мәдениет және ақпарат министрлігінің баспасөз қызметі хабарлады.

Аталған жиында «Ленкорань – Түркі әлемінің жастар астанасы» атты халықаралық бағдарламаның жабылу салтанаты болды.
Іс-шараға ТМҰ-ға мүше елдердің жастар делегациялары қатысты.
Жиын аясында кәмелетке толмағандарға арналған волонтерлерді оқыту бағдарламасы мен ТМҰ үлгісін құру жөніндегі конференция ұйымдастырылды.
Айта кетсек, бұған дейін Будапештте өткен ТМҰ-ның бейресми саммитінде Қазақстан Президенті Қасым-Жомарт Тоқаев 2025 жылы Алматы қаласы Түркі әлемінің жастар астанасы болатынын мәлімдеген еді.
Айта кетелік ТүркПА-ның ХIV жалпы отырысында Астана декларациясы қабылданды.