Түркі жазуы күні Азия халықтары үшін өте маңызды - Х. Девели
АСТАНА. ҚазАқпарат - Күллі түркі әлемі ешбір бөгетсіз түсінісіп-ұғысу үшін Қазақстанның латын әліпбиіне көшуін күтіп отыр. Бұл туралы бүгін "Түркі жазуы күні" халықаралық форумында Анкарадағы Юнус Эмре институтының директоры Хайати Девели мәлімдеді.
"Түркі жазуы күні Азия халықтары үшін өте маңызды, өйткені елдеріміздің бірігуі және интеграциялануы үшін жан-жақты байланыс пен қарым-қатынас қажет. Ондай қарым-қатынас орнату ортақ жазуымыз болса, оңайырақ болатыны сөзсіз", - дейді Х. Девели.
Оның айтуынша, қазір түркі әлемінің негізгі бөлігі латын әліпбиін қолдануда. "Барлық түркі әлемінің елдерінде бірыңғай латын әліпбиі болуы қажет. Біз соған ұмтылудамыз. Қазір Қазақстан мен Қырғызстаннан басқасының барлығы осы жазуға өткен. Дегенмен біз білеміз, бұл елдерде қызу жұмыс жүргізіліп жатыр. Сондықтан жақын болашақта Қазақстан жаңа латын әліпбиіне көшеді деп үміттенеміз", - деді Хайати Девели.
