Түркістан облысы инвестиция бойынша республикада көш бастады
ТҮРКІСТАН. ҚазАқпарат – Түркістан облысына тартылған инвестиция көлемі 66,7%-ға артып, республика бойынша көш бастады. Облыс экономикасын дамытуға 11 айда 551,8 млрд теңге инвестиция бағытталған, деп хабарлайды ҚазАқпарат тілшісі.
Биыл негізгі капиталға салынған инвестицияның едәуір үлесі құрылыс, өнеркәсіп, өнер, ойын-сауық, демалыс, көлік және жинақтау салаларына келеді.
Тұрғын үй құрылысын дамытуға 76,3 млрд. теңге инвестиция бағытталған.
Бұл өткен жылдың сәйкес кезеңімен салыстырғанда 146,5% өскен.
Өңірдің сыртқы сауда айналымының көлемі 324,3 млн АҚШ долларын құраған.
Бұл өткен жылдың сәйкес кезеңінен 111,1% артық.
Оның ішінде экспорт 122,1% өсіп, импорт көлемі 66,5 млн АҚШ долларын құрап отыр.
