Түркістан облысында үш жасар қыз суға ағып кетті
НҰР-СҰЛТАН. ҚазАқпарат – Түркістан облысында үш жасар қыз арыққа батып кетті, деп хабарлайды ҚазАқпарат тілшісі ҚР ІІМ ТЖК баспасөз қызметіне сілтеме жасап.
12 шілде күні сағат 22:30-да Түркістан облысы Келес ауданы Қызыләскер ауылында жеке үйге жақын маңда ересектердің қарауынсыз қалған 2016 жылғы бүлдіршін су ағатын арыққа құлап түсіп, батып кетті.
«Құрметті азаматтар, ата-аналар! Балаларды қараусыз қалдырмаңыздар. Су айдындарында, жолда, үйде балалардың жүріс-тұрысын қадағалап, оларға қауіпсіздік ережелерін үйретіңіздер. Қас-қағым сәтте оларды жалғыз қалдырсаңыздар, өмірлеріне қауіп төнуі мүмкін», - деп ескертті ТЖК.
Автор: Ақбота Күзекбай
