Түркістан облысының таулы аймағында адасып қалған турист құтқарылды

Түркістан облысы ТЖД «112» құтқару қызметіне 29 мамырда шамамен сағат 23:00-де Түлкібас ауданы Қожаберді ауылының оңтүстік беткейінде турист таулы аймақта өз тобынан қалып қойып, адасып кеткені туралы хабар берілген.

Іздестіру-құтқару жұмыстары бойынша Түркістан облысы ТЖД жедел-құтқару жасағының құтқару бөлімшесі аталған мекенжайға шығып, 29 мамырда сағат 1:00-де 1987 жылғы ер азаматты тауып, қауіпсіз жерге шығарды. Туристке медициналық көмек қажет болған жоқ.

Бұл – Түркістан облысының таулы аймақтарында биыл болған бірінші оқиға.

Осы орайда, облыстық ТЖД тұрғындар мен қонақтарға ескертеді:

- тауда тек топпен қозғалу қажет, одан бөлінуге болмайды;

- ауа райы болжамын алдын ала анықтап алу керек;

- қозғалыс қарқынын топтағы ең әлсіздерге қарай анықтау керек;

- қараңғы уақытта немесе тұман кезінде қозғалуға болмайды;

- қауіпті учаскелердің, жылдам ағатын өзендердің ықтимал қауіптерін мұқият бағалау керек;

- таулы аймақтарда жолды мұқият қадағалаңыз, әсіресе жаңбырдан кейін мұқият болу керек;

- беткейлерде және шұңқырларда жатқан тастарды баспау керек;

- алғашқы медициналық көмек көрсету үшін қажетті дәрі-дәрмек қобдишасы болу қажет;

- жылы киім, қажетті азық-түлік, жеткілікті мөлшерде су қоры болуын қамтамасыз ету керек;

- бейтаныс маршрутпен алғаш рет жорыққа шықсаңыз, міндетті түрде тәжірибелі жолсеріктің болуын қамтамасыз ету қажет.