Түркістанда шекара бекетінен өтпек болған көліктен 35 келі есірткі табылды
НҰР-СҰЛТАН. ҚазАқпарат - Ұлттық қауіпсіздік комитеті есірткінің ірі партиясын қолға түсірді, деп хабарлайды ҚазАқпарат.
«2022 жылғы 22 шілдеде ҰҚК Шекара қызметі Түркістан облысы «Жібек Жолы» өткізу пунктінде инспекциялық-тексеру кешенін және қызметтік-іздеу итін қолданумен көлік құралын тексеру барысында жасырылған жерден 35 келіге жақын есірткі заттарын тауып, тәркіледі (болжам бойынша «героин»)» деп хабарлайды ҚР ҰҚК баспасөз қызметі .
Аталған факт бойынша қылмыстық іс қозғалып, тергеу амалдары жүргізілуде.
Фото : gov.kz
