Түркістанда жергілікті өнімдердің көрмесі өтті

ТҮРКІСТАН. ҚазАқпарат -  Түркістан облысында мемлекет тарапынан қолдау алған тауар өндіруші кәсіпорындар жобаларының көрмесі өтті. Шараға облыс әкімінің орынбасары Ербол Тасжүреков қатысып, облыста өндірілген бірегей өнімдермен танысты, деп хабарлайды ҚазАқпарат тілшісі.

Өңірдегі тұтыну нарығын дамытып, оларға қолдау көрсету мақсатында ұйымдастырылған көрмеде  халық тұтынатын тауарлар таныстырылды. 100-ден астам кәсіпорын қатысқан шарада  облыс әкімінің орынбасары Ербол Тасжүреков жәрмеңкеге қатысқан ең үздік кәсіпкерлерді облыс әкімінің Алғыс хатымен марапаттап, касіпкерлердің жұмысына табыстар тіледі. 

 Көрмеге келушілерге азық-түлік, өнеркәсіптік тауарлардың кең ассортименті ұсынылып, өнерпаздар мен аниматорлардың қатысуымен концерттік бағдарлама ұйымдастырылды.