Түркия әскерін Иракқа кіргізді
АСТАНА. ҚазАқпарат - Түрік армиясы Ирак аумағында Күрдістанның Жұмыс партиясының содырларына қарсы жердегі іс-қимылдарын бастап кетті, деп хабарлайды НТВ.ru.
Түрік БАҚ-тарының хабарлауынша, күш құрылымдары таяуда 16 түрік әскери қызметкерін өлтірген күрд көтерілісшілерін жою үшін Ирак аумағына кіруге мәжбүр болды.
Бүгін күрдтер Армения шекарасындағы Ыгдыр провинциясында бомбыны жарды, соның салдарынан 12 полицей қаза тапқан.
Шілде бойы түрік армиясы Ирак аумағында жердегі бірнеше іс-қимылдар өткізген. Жауап ретінде күрдтер әскери әрекеттерін белсендіріп, түрік әскерлерінің позицияларын күніне бірнеше рет шабуылдады.
