Түркия: Эгей теңізінде мигранттар мінген шағын кеме батып кетті
АСТАНА. ҚазАқпарат - Бүгін Түркияның оңтүстік-батыс жағалауындағы Эгей теңізінде ішінде мигранттар болған шағын кеме батып кетті. Синьхуа агенттігінің хабарлауынша, қайғылы оқиға салдарынан кем дегенде 10 адам қаза тапқан.
Алдын ала мәліметтер бойынша, оның бортында Еуроодақ аумағына заңсыз өтпек болған босқындар болған. Оқиға егжей-тегжейлі анықталу үстінде.
Ағымдағы айда Эгей теңізінде осыған ұқсас қайғылы оқиғалар болған. Соның салдарынан ондаған адам қаза тапты.
БҰҰ-ның мәліметтерінше, жыл басынан бері Жерорта теңізінде Еуропаға жетпек болған 2,5 мыңға жуық мигранттар мен босқындар қаза тапқан, оның ішінде хабар-ошарсыз жоғалғандары да бар, деп жазады ТАСС.
